" شركة OnePlus الصينيه و هاتف يسمى One .. اغرب من الخيال !! "

- قبل ما نتكلم عن الموب هنتكلم عن الشركه نفسها .. One Plus . 

الشركه دى اتأسست في ديسمبر 2013 !! يعنى ملهاش سنه فى مجال الهواتف الذكيه .. الشركه صيــنيه .. لا و كمان مؤسس الشركه دى كان مدير تنفيذى فى شركة Oppo الصينيه ( اللى زاد صيتها المده اللى فاتت بموب منافس ل S5 و لكنه لم يبدى جداره فى المقارنات العمليه ) 

- نتكلم عن الموب بقى .. باختصار امكانيات الهاتف .. 

1 - بشاشة بدقة وبتقنية 1080p IPS LCD مع طبقة الحماية Gorilla Glass
2 - سعه داخليه 16 او 64 جيجا و يمكن اضافة سعه خارجيه
3 - بمعالج كوالكم Snapdragon 801 بسرعة 2.5 جيجاهرتز ( نفس الموجود فى s5 بالضبط ) ذاكرة عشوائية 3 جيجابايت
4 - الكاميرا الخلفية بدقة 13 ميجابيكسل بفتحة f/2.0 وبمستشعر Sony Exmor IMX214 مع ستة طبقات زجاجية و تصوير فيديو بدقة 4K وتصوير فيديو بدقة 720p بسرعة 120 أطار بالثانية وبكاميرا أمامية بدقة خمسة ميجابيكسل واسعة النطاق مع ثلاث مايكروفونات وعازل صوتي وتقنيات صوتية بمساعدة JBL
5 - والبطارية 3100 ملي
6 - بمنفذ USB 3.0 و تقنية الشحن السريع Quick Charge 2.0 ويدعم تقنية NFC و البلوتوث 4.1 وموجتان من تقنية الوايرلس ويدعم شبكات الجيل الرابع LTE أيضا!
7 - يملك نظام الأندرويد 4.4 كت كات بروم خاص مقدم من قبل CyanogenMod والروم سيقدم لك عدد من الخصائص المميزة مثل تشفير رسائل SMS وثيمات وتطبيقات محمية ونظام التعديل على الصوت و مدير للملفات وتطبيق خاص للكاميرا

اما الاسعار بقى .. سيكلفك فقط 299 دولار أمريكي ( 2050 جنيه مصرى ) لنسخة 16 جيجابايت و 349 دولار أمريكي ( 2480 جنيه مصرى ) لنسخة 64 جيجابايت

----------------------------------------------

*** كل اللى فات ده حماده و اللى جاي حماده تانى خالص *** 

الموب ده لسه معلنين عنه امبارح .. النهارده ظهر خبر خلانى عملت كده ... 

" حطّم هاتفك القديم لتحصل على هاتف OnePlus One بسعر 1 دولار فقط "
ما تعلمون بالامس اعلنت شركة ون بلس عن الهاتف الجديد OnePlus One صاحب العتاد الخارق والسعر الخرافي مما جعل أغلب المواقع التقنية تطلق على الهاتف أسم قاتل الهواتف الجديدة .. عموماً الشركة لم تكتفي بسعر الهاتف المميز فقط اطلقت بالامس ايضاً حملة تسويقية للهاتف الجديد تحمل اسم Smash the Past وتعني إسحق أو حطّم الماضي وفكرة الحملة تتلخص في امكانية شراء الهاتف الجديد بسعر 1 دولار فقط .. ولكن عليك ان تحطم هاتفك القديم كلياً وترسله للشركة كما يتضح في الفيديو .. حيث تم تخصيص موقع smash للراغبين بالتسجيل والمشاركة في هذه الحملة .

  http://www.youtube.com/watch?feature=player_embedded&v=dkUKKP4aSgk

 مواقع كتير عاجبها و بتنصح بيه .. بس سعره و امكانياته يأكدلك ان الموب فى خدعه .. الشركه لو قاصده تخسر مش هتعمل كده .. ومش هنظلمهم بردو و مستنين الموب ينزل و نشوف اراء اللى استخدموه مع العلم انه هينزل فى Austria, Belgium, Denmark, Finland, France, Germany, Hong Kong, Italy, Netherlands, Portugal, Spain, Sweden, Taiwan, United Kingdom, and the United States خلال شهر مايو ... 

و طبعا فى ناس عجبها الكلام ده و عملوه كمان شوفوا الفيديو ده http://www.youtube.com/watch?v=OgTxBQKg0Nc

----------------------------------------------

الجديد بقى اللى متكلمناش عنه انك مش تكسر اي موب عشان تاخد ال One Plus One لا .. انتا المفروض تكسر موب معين .. و الغريب ان الموبايلات اللى هما مختارنها كلها موبايلات غاليه .. تقدر تقول انهم مختارين الموبايلات النظيفه فى كل ماركه .. يعنى Samsung مختارين احدث اصدارين من سلسلة S و Note .. اما فى Htc مختارين one و m8 .. و Sony مختارين فيها سلسلة ال Z عدا ال Zr .. والباقى موضح فى الصوره ..

الخلاصه ان الشركه هتخليك تكسر موب مع العلم ان اقل سعر موب فى القائمه 3900 جنيه ( xperia z و nexus 5 مع استثناء ل - 920 - s3 - Motrolla moto x ) .. و يعطوك موب صينى .. و اساسا سعره 300 دولار يعنى 2100 جنيه .. ... .. هتكسر موب غالى عشان تاخد موب رخيص .. 

‫#‏مش_منطق‬ !!

------------------------------------------------

الجديد بقى ان الشركه عدلت فى قوانين حصولك على One Plus One بعد تحطيمك لهاتفك القديم .. و قبل ما نتكلم فى التفاصيل .. لازم تعرف .. ان فى حوالى 140 الف واحد بادروا بتحطيم هواتفهم المحموله ( ومش اي موبايلات .. اللى موجودين فى اللينك اللى فوق ) و سوف تقوم الشركه باختيار 100 فائز فقط ..

اما القوانين التى عدلت انهم فكروا انهم يستفادوا بال 140 الف موب اللى اتكسروا دول بحيث انهم وفروا للمشارك فى ذلك العرض ان يفدم هاتفه بعدما قام بتحطيمه اللى جمعيه خيريه غير رسميه تسمى Medic Mobile.. سوف تستغل الهاتف المحطم و تقوم باعادة تصنيعه و توفيره ل العاملين في الرعاية الصحية في المناطق النائية من العالم .. وبكده يكونوا استفادوا و افادوا ..